پنجاب سیف سٹیز اتھارٹی کی مدد سے پیشہ ور بھکارن گرفتار

لاہور (نامہ نگار)پیشہ ور بھکاری مافیا کےخلاف پنجاب سیف سٹیز اتھارٹی کی کارروائیوں کا سلسلہ جاری ہے۔ ایمرجنسی 15 ہیلپ لائن پر جیل روڈ پر مشکوک گداگر خاتون بارے کال موصول ہوئی۔کالر نے بتایا کہ خاتون بچوں کےساتھ گورا قبرستان کے سامنے سڑک پر موجود ہے۔سڑک پر چھوٹے بچوں کی موجودگی سے حادثے کا خدشہ تھا۔پنجاب سیف سٹیز اتھارٹی میں تعینات ایس پی پٹرولنگ احمد زنیر نے پولیس رسپانس یونٹ کو فوراً موقع پر پہنچنے کی ہدایت کی۔پولیس ریسپانس یونٹ 30 نے موقع پر پہنچ کر گداگر خاتون کے کوائف چیک کیے۔تمام رسپانس اینڈ آپریشن کو سیف سٹیز اتھارٹی کیمروں کی مدد سے لائیو مانیٹر کیا گیا۔ بھکاری خاتون کو لیڈی پولیس سٹیشن منتقل کردیا گیا۔ایس پی احمد زنیر کو کہنا تھا کہ معصوم بچوں کو بھکاری بنانے والوں کےخلاف سیف سٹیز کیمروں کی مدد سے کارروائی جاری ہے۔پیشہ ور بھکاری مافیا کےخلاف مختلف ہاٹ سپاٹس پر کارروائیاں کی جا رہی ہیں۔