سیدہ خدیجہ الکبری خواتین کیلئے مثالی نمونہ ، مینارہ نور ہے:علامہ شبیر قادری 

لاہور (خصوصی نامہ نگار)مجاہد ملت مولانا محمد عبدالستار خان نیازی ٹرسٹ کے مرکزی صدر علامہ شبیر قادری نے محسنہ اسلام سیدہ خدیجہ الکبریٰ کی یاد میں تقریب سے خطاب کرتے ہوئے کہا سیدہ خدیجہ الکبری کی سیرت کی پیروی دنیا وآخرت میں کامیابی کی ضمانت ہے۔ آپؓ اسلام کی خاتون اول تھیں۔ آپ کی اسلام کیلئے بے پناہ خدمات اور قربانیوں پر امت مسلمہ سیدہ خدیجہ الکبریٰ کی مشکور و ممنون اور احسان مند ہے۔ سیدہ خدیجہ الکبری کی تاریخ ساز شخصیت قیامت تک مسلم خواتین کیلئے مثالی نمونہ اور مینارہ نور ہے۔ آپؓ نے سب سے پہلے اسلام قبول کیا اور اس طرح آپ اسلام کی اولین مومنہ بنیں۔ آپؓ نے نبی پاک کی شرافت صداقت امانت دیانت سے متاثر ہوکر آپ سے نکاح کیا۔ آپؓ کو یہ اعزاز حاصل ہے کہ اللہ تعالی نے آپ کو سلام بھیجا۔ جب تک آپ زندہ رہیں نبی پاک نے کوئی دوسرا نکاح نہیں فرمایا۔ جب آپ وصال کر گئیں تو اللہ تعالی نے آپؓ کیلئے جنتی کفن بھیجا۔