نیوزی لینڈ کیخلاف سیریز، قومی ٹیم کا اعلان کل متوقع

لاہور(سپورٹس رپورٹر)نیوزی لینڈ کے خلاف سیریز کیلئے سلیکٹرز اور کپتان نے سر جوڑ لئے، قومی ٹیم کا اعلان کل کئے جانے کا امکان ہے۔ذرائع کے مطابق کیویز کے خلاف سیریز کیلئے کس کھلاڑی کو ٹیم میں شامل کیا جائے گا یا کس کو نہیں اس کے حتمی فیصلے کیلئے سلیکٹرز آج لاہور میں سر جوڑ کر بیٹھیں گے۔عمرہ ادائیگی کیلئے جانے والے کپتان بابراعظم کی بھی گھر واپس ہوگئی ہے جبکہ پاکستانی ٹیم کے غیر ملکی کوچنگ سٹاف کی آمد کا سلسلہ بھی آج سے ہی شروع ہوگا۔پہلے مرحلے میں ہیڈ کوچ گرانٹ بریڈ برن اور بیٹنگ کوچ اینڈریو پیوٹک ذمہ داریاں سنبھالنے کیلئے لاہور پہنچ رہے ہیں۔ ٹیم ڈائریکٹر اور کنسلٹنٹ مکی آرتھر کی لاہور آمد کا دن ابھی تک طے نہیں ہو پایا جبکہ بائولنگ کوچ مورنے مورکل کے بارے میں اطلاعات ہیں کہ وہ آئی پی ایل کے بعد اپنی خدمات پیش کریں گے۔ہیڈکوچ بریڈ برن اور بیٹنگ کوچ اینڈریو پیوٹک پی سی بی حکام کے ساتھ سلیکشن کمیٹی اور کپتان بابراعظم سے بھی ملاقات کرکے سیریز کی حکمت عملی ترتیب دیں گے۔قومی ٹیم کے ساتھ ٹیم مینجمنٹ کا بورڈ سربراہ نجم سیٹھی کی منظوری کے بعد سکواڈ کا باقاعدہ اعلان کل تک کردیا جائے گا۔ سیریز کی تیاریوں کیلئے کیمپ 7اپریل سے لگایا جارہا ہے جبکہ سیریز میں معمولی ردوبدل کے بعد شیڈول بھی اسی ہفتے جاری ہوگا۔