ڈاکو راج، شہری لاکھوں گنوا بیٹھے، 4 کاریں، 9 موٹر سائیکل چوری  

لاہور (نامہ نگار) چوری و ڈکیتی کی وارداتوں میں متعدد شہریوں سے لاکھوں روپے زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔ ڈاکوؤں نے ماڈل ٹاؤن میں مصحف کے گھر اہلخانہ کو  یرغمال بنا کر ساڑھے 5 لاکھ روپے  زیورات، موبائل فون اور دیگر سامان،گڑھی شاہو میں شاہد  سے 2 لاکھ 90 ہزار روپے اور موبائل فون، مزنگ  میں جمیل سے 2لاکھ 12 ہزار اور موبائل فون، مناواں  میں اسلم سے ایک لاکھ22 ہزار روپے اور موبائل فون، ٹاؤن شپ  میں پرویز سے لاکھ 75 ہزار روپے،شاہدرہ ٹاؤن  محمد یعقوب سے گن پوائنٹ پر 90ہزار روپے  موبائل فون، سبزہ زار  میں انورسے    75 ہزار روپے اور موبائل فون، گارڈن ٹاؤن میں ضیاء  سے 60ہز ار روپے اور موبائل فون، راوی روڈ میں مجید سے 55ہزار روپے اور موبائل فون،ریس کورس میں عبداللہ سے 17ہزار روپے اور موبائل فون، چوہنگ  میں اختر سے 5 ہزار روپے اور موبائل فون لوٹ لیا اورفرار ہوگئے۔ چوروں نے ہنجروال، لیاقت آباد، رائیونڈ اور ہربنس پورہ  سے 4 گاڑیاں جبکہ مصری شاہ، باغبانپورہ، برکی، ریس کورس، گرین، مغلپورہ مزنگ، لوئر مال اور مانگا منڈی  سے 9موٹر سائیکلیں چوری کر لی ہیں۔