سال 2023 کی پہلی سہ ماہی میں جرائم کا 2024 کی پہلی سہ ماہی سے موازنہ کیا گیا جس کے مطابق گزشتہ برس کے مقابلے میں رواں سال کے پہلے 3 ماہ میں 4 ہزار وارداتیں کم ہوئیں۔پولیس کا کہنا ہے کہ لاہور میں 2024 کے پہلے 3 ماہ میں مختلف جرائم کی 41 ہزار 484 وارداتیں ہوئیں جبکہ سال 2023 کے پہلے 3 ماہ میں مختلف جرائم کی 45 ہزار 849 وارداتیں ہوئی تھیں۔پولیس ریکارڈ کے مطابق 2023 اور 2024 کے پہلے 3 ماہ میں اغوا برائے تاوان کی 3 وارداتیں ہوئیں اور مختلف وجوہات پر 83 افراد قتل ہوئے جبکہ 2023 میں 100 افراد قتل ہوئے تھے۔رواں سال کے تین ما ہ کے دوران انویسٹی گیشن پولیس70فیصد سے زائد مقدمات کے ملزمان کو گرفتار کرنے میں ناکام رہی۔2024 کے پہلے 3 ماہ میں ڈکیتی کے صرف 9بڑے واقعات رونما ہوئے جبکہ 2023 میں 29 بڑی ڈکیتیاں ہوئی تھیں۔ریکارڈ کے مطابق 2024 کے پہلے 3 ماہ میں ڈکیتی کی 3264 وارداتیں ہوئیں جبکہ 2023 میں 5709 افراد سے ڈکیتی کے مقدمات درج ہوئے تھے۔پولیس ریکارڈ کے مطابق 2024 کے پہلے 3 ماہ میں 5 افراد ڈکیتی مزاحمت پر قتل ہوئے جبکہ 2023 میں ڈکیتی مزاحمت کے دوران 4 افراد قتل ہوئے تھے۔2024 میں اب تک کار چھیننے کے 6 جبکہ 2023میں 4 واقعات رپورٹ ہوئے تھے،2024 کے پہلے 3 ماہ میں کار چوری کے 155 جبکہ 2023میں 132واقعات رپورٹ ہوئے تھے۔2024 کے پہلے 3 ماہ میں دیگر گاڑیوں کی چوری کے 469 واقعات جبکہ 2023میں 556 واقعات ہوئے تھے، 2024 کے پہلے 3 ماہ میں مویشی چوری کے 109مقدمات جبکہ 2023 میں 107مقدمات درج ہوئے تھے