پلاک کے ریڈیو ایف ایم پنجاب رنگ راولپنڈی میں براہ راست نعتیہ مشاعرہ

اسلام آباد (وقائع نگار)پنجاب انسٹی ٹیوٹ آف لینگوئج آرٹ اینڈ کلچر(پلاک)کا ایف ایم پنجاب رنگ راولپنڈی میں براہ راست ریڈیو نعتیہ مشاعرے کا اہتمام کیا گیا،صدارت معروف شاعر نسیم سحر نے کی جبکہ قیوم طاہر مہمان خصوصی تھے۔نظامت انچارج ایف ایم پنجاب رنگ راولپنڈی ناصر احمد نے کی۔ڈپٹی ڈائریکٹر شفاعت عباس اور سید عماد تابش نے انتظامی امور سنبھالے۔باقی شعرا میں محسن شیخ، محبوب ظفر،ثاقب امام رضوی, امین کنجاہی عبدالرحمن واصف, عابد حسن جنجوعہ, رفعت وحید,شازیہ اکبر, نصرت یاب نصرت, مبشر سلیم,رفعت انجم ,کامران ظہور اور مطیع احمد مجتبیٰ نے کلا م پیش کیا۔ اس موقع پر ڈائریکٹر جنرل پلاک بینش فاطمہ ساہی نے کہا کہ پلاک نے اس بات کا اعادہ کیا ہے وہ اسی طرح پنجاب کے شاعروں ادیبوں کو پروموٹ کرتے رہیں گے۔