رمضان اپنے اندر خیر و برکت کا وسیع خزانہ لیے ہوتاہے، ثمینہ احسان

اسلام آباد (خبرنگار)رمضان کا عظیم مہینہ جو ہمارے پاس رب کا مہمان آتا ہے اور اپنے اندر خیر و برکت کا ایک وسیع خزانہ لیے ہوئے ہوتا ہے یہ عظیم مہینہ اپنے اختتام کی طرف تیزی سے گامزن ہے اور اس کا آخری عشرہ آ پہنچا ہے یہ مہینہ ہم دراصل نزول قرآن کے جشن کی خوشی میں تقوی کے حصول کے لیے مناتے ہیںیہ آخری عشرہ ہی اپنے اندر وہ قیمتی رات رکھتا ہے جو اس عظیم کتاب کے نزول کا آغاز تھی ایسی عظیم رات جو رہتی دنیا تک اپنے ڈھونڈنے والوں کے لیے رب کی بے پایاں رحمتیں اور مغفرتیں لیے منتظر ہے ان خیالات کا اظہار جماعت اسلامی حلقہ خواتین صوبہ شمالی پنجاب کی ناظمہ ثمینہ احسان نے اپنے ایک بیان میں کیا