چیئر مین مرکزی رویت ہلال کمیٹی مولا نا عبدالخبیر آزاد ملک میں ایک ہی روز عید الفطر کیلئے محترک ہو گئے۔مولانا عبدالخبیر آزاد نےکہا کہ رمضان المبارک کا آغاز ایک ہی روز ہوا ہے انشا اللہ شہادت کے مطابق عید الفطر بھی ایک ہی روز ہوگی۔ انہوں نے کہا کہ اس حوالے سے وہ تمام مکاتب فکر کے علما کے ساتھ رابطے میں ہیں۔ انکا مزید کہا کہ ہمارا گھرانہ 50 سال سے دین کی خدمت کر رہا ہے۔
خیال رہے کہ محکمہ موسمیات کی جانب سے 9اپریل کو شوال کا چاند نظر آنے کے امکانات ظاہر کیے گئے ہیں۔ محکمہ موسمیات کے مطابق نئے چاند کی پیدائش 18اپریل کو رات 11 بج کر 21 منٹ پر ہوگی اور 9 اپریل کو چاند کی عمر 19 سے 20 گھنٹے ہو جائے گی۔
دوسری جانب وفاقی حکومت نے عیدالفطر کے موقع پرتین چھٹیوں کا اعلان کر دیا ہے۔ ذرائع کے مطابق عیدالفطر کے موقع پر 10 اپریل سے لے کر 12 اپریل تک عام تعطیلات ہوں گی۔