برطانیہ کے شہر بیلفاسٹ میں ادا کی گئی رسومات میں ایلیکس ہِگّنز کے خاندان اور دوست احباب کے علاوہ سینکڑوں افراد نے شرکت کی۔ اس موقع پر ان کے دیرینہ دوست اور انگلش سنوکر چیمپئن ویلی تھارن کا کہنا تھا کہ ایلیکس ہگنز نہ صرف اچھے کھلاڑی تھے بلکہ وہ ایک اچھے دوست بھی تھے۔ اور ان کی کمی ہمیشہ محسوس کی جاتی رہے گی۔ اکسٹھ سالہ ایلیکس ہِگّنز اپنے حلقہ احباب میں ہریکین کے لقب سے بھی مشہور تھے۔ انہوں نے انیس سو بہتر اور انیس سو بیاسی میں سنوکر کے عالمی ٹائٹلز جیتے جبکہ انیس سو چھہتر اور انیس سو اسی میں وہ فائنل میں شکست کھا گئے تھے۔