لندن کے ریوربینک ایرینا میں پاکستان اور میزبان برطانیہ کے درمیان یہ میچ پاکستانی وقت کے مطابق رات آٹھ بجے کھیلا جائے گا۔ پول اے میں شامل دونوں ٹیمیں دو،دو میچ کھیل کر چار،چار پوائنٹس کے ساتھ بالترتیب دوسرے اور تیسرے نمبر پر موجود ہیں۔ پاکستان نے اپنے پہلے پول میچ میں سپین کے خلاف میچ ایک،ایک گول سے برابرکیا تھا جبکہ دوسرے میچ ارجنٹائن کو دو صفر سے شکست دی۔ دوسری جانب برطانوی ٹیم نے اپنے پہلے میچ میں ارجنٹائن کو چارایک سے ہرایا جبکہ جنوبی افریقہ کے ساتھ میچ دو،دو گولز سے برابر رہا۔ پول اے کے دوسرے میچ میں آسٹریلیا اور ارجنٹائن کی ٹیمیں ایک دوسرے کے مدمقابل ہونگیں۔ جبکہ پول کے تیسرے میچ میں سپین کا مقابلہ جنوبی افریقہ سے ہوگا۔ پول بی میں بھارت کا مقابلہ جرمنی، جنوبی کوریا کا مقابلہ بیلجئیم اور ہالینڈ کا مقابلہ نیوزی لینڈ سے ہوگا۔