جدہ /ریاض (آئی این پی) وزیراعظم نواز شریف کے عمرہ کیلئے نجی دورہ کے باوجود سعودی عرب کے الیکٹرانک اور پرنٹ میڈیا میں وزیراعظم کے دورہ کی بھرپور کوریج کی ہے جمعہ کو تمام بڑے اخبارات نے وزیراعظم کی آمد پر شہزادہ خالد الفیصل کی طرف سے استقبال کی تصاویر اور خبروں کو پہلے صفحات پر نمایاں طور پر شائع کیا۔ سعودی عرب کے تمام نیوز چینلز نے بھی وزیراعظم نواز شریف کی سعودی عرب آمد کی بھرپور کوریج کی۔ سعودی الیکٹرانک اور پرنٹ میڈیا نے اپنی رپورٹس میں وزیراعظم نواز شریف کے ساتھ سعودی شاہی خاندان کے خاص تعلق کو بھی خاص طور پر اجاگر کیا۔ شاہی خاندان کے اہم افراد کی جانب سے نوازشریف کے استقبال کو بھی سفارتی حلقوں میں خصوصی اہمیت دی جا رہی ہے۔