اسلام آباد(ثناء نیوز) وزیراعظم نواز شریف گزشتہ برس دہشتگرد حملے میں تباہ ہونے والی قائداعظم ریذیڈنسی کا افتتاح 14 اگست کو کریں گے۔ذرائع کے مطابق ریذیڈنسی کی تعمیر میں50 سے زائد ماہرین اور انجینئروں  نے حصہ لیا جبکہ گزشتہ 3 ماہ سے دن رات کام جاری رہا۔  چیف سیکرٹری بلوچستان سیف اللہ چٹھہ نے بتایا کہ انجینئرز اور صوبائی حکومت کی بھرپور محنت اورکوششوں سے قائداعظم ریذیڈنسی کی تعمیر مکمل ہو چکی ہے اورچودہ اگست کو اس کے باضابطہ افتتاح کیلئے وزیراعظم کو دعوت دیدی گئی۔چیف سیکرٹری کا کہنا تھا کہ بحالی کے کام پر15کروڑ روپے لاگت آئی  اور اسکی تعمیر بالکل اسی طرح کی گئی جیسے حملے سے پہلے یہ اپنی اصلی حالت میں موجود تھی۔