لاہور(کلچرل رپورٹر) ہدایتکارہ سنگیتا فلم تم ہی تو ہو کی پوسٹ پروڈکشن اوراپنے چیک اپ کیلئے گزشتہ روز واہگہ بارڈر کے راستے بھارت پہنچ گئیں۔ ہدایتکارہ ایک ماہ بھارت میںقیام کریں گی۔اس دوران وہ نئی دہلی میں اپناچیک اپ کرائیں گی اور اپنی بہن اداکارہ کویتاسے ملیں گی۔ چیک اپ کے بعدوہ اپنی زیرتکمیل فلم تم ہی تو ہوکی پوسٹ پروڈکشن کیلئے ممبئی جائیں گی۔بتایاگیاہے کہ ہدایتکارہ نے مذکورہ فلم کی نمائش محرم الحرام کے بعد کرنے کافیصلہ کیاہے جس کے مصنف سورج بابا ہیں۔کاسٹ میں دانش تیمور، قراۃ العین عینی، ماتیرہ، ساجد حسن اوردیگرشامل ہیں۔