انٹرڈیپارٹمنٹل نیشنل کبڈی، واپڈا، نیوی اور آرمی کی کامےابی

لاہور(سپورٹس رپورٹر) پاکستان کبڈی فیڈریشن کے زیر اہتمام پہلی سٹرابری انٹرڈیپارٹمنٹل نیشنل کبڈی چیمپیئن شپ (ایشین سٹائل) شروع ہو گئی۔ پہلے کھیلے جانے والے میچز میں واپڈا، نیوی اور آرمی کی ٹیموں نے اپنی اپنی حریف ٹیموں کو شکست دیدی۔ لیاقت جمنیزیم پاک سپورٹس کمپلیکس اسلام آباد میں شروع ہونے والی چیمپیئن شپ کا پہلا میچ نیوی اور پولیس کی ٹیموں کے درمیان کھیلا گیا جس میں نیوی نے پولیس کو 21 کے مقابلے 58 پوائنٹس سے مات دی۔ دوسرے میچ میں واپڈا اور سوئی نادرن گیس پائپ لائن کی ٹیمیں مد مقابل ہوئیں جس میں واپڈا نے 30 کے مقابلے 60 پوائنٹس سے کامیابی اپنے نام کی۔ تیسرا میچ ریلویز اور آرمی کی ٹیموں کے درمیان کھیلا گیا جس میں آرمی نے ریلویز ٹیم کو 45-10 سے شکست دی۔ چیمپیئن شپ کے افتتاحی روز پاکستان کبڈی فیڈریشن اور ایشین فیڈریشن کے سیکرٹری محمد سرور اور چیمپیئن شپ کے سپانسر ادارے کے چیف ایگزیکٹو افیسر حیدر علی تھے۔