عمران خان جسٹن ٹروڈو‘ میکرون نیتن یاہوسے آگے‘ سوشل میڈیا پر 7ویں مقبول رہنما بن گئے

اسلام آ با د(آ ئی این پی)پاکستان کے متو قع وزیراعظم عمران خان عہدے کا حلف لینے سے پہلے ہی دنیا کے ساتویں پسندیدہ اور مقبول رہنما بن گئے ہیں،سماجی رابطے کی ویب سائٹ پران کے مداحوں کی تعداد جمعرات کی سہ پہر تک 81لاکھ سے زائد ہوگئی تھی ۔ مداحوں کی تعداد کے حوالے سے وہ دنیا کے ساتویں پسندیدہ رہنما بن گئے ۔تحریک انصاف کے چیئرمین کی ٹوئٹس سوشل میڈیا پر خاصی شہرت کا باعث بنتی رہی ہیں۔ عمران خان کو فیس بک پر ان کے مداح فیس بک خان کہہ کر بھی پکارتے اور لکھتے ہیں۔ان کے مداحوں کی تعداد میں مزید اضافہ متوقع ہے اور خیال کیاجارہا ہے جیسے ہی وہ وزیراعظم کے عہدے کا حلف لیں گے ، یہ تعداد خود بخود بڑھ جائے گی۔دوسرے نمبر پربھارت کے نریندر مودی ، تیسرے پر پوپ فرانسیس، چوتھے پرترک صدر طیب اردگان، پانچویں نمبر پر عمان کی ملکہ رانیہ عبداللہ، چھٹے نمبر پر جوکو وڈوڈو، ساتویں پر عمران خان ، آٹھویں پر کینیڈا کے وزیراعظم جسٹن ٹروڈو ،نویں،نمبر پر فرانسیسی صدر میکروں اور 10ویں نمبر پر اسرائیلی وزیراعظم بنجمن نتین یاہو ہیں۔امریکی صدر ٹویٹر پر سب سے مقبول رہنما ہیں‘ ٹرمپ کے فالوورز کی تعداد 5کروڑ سے زیادہ ہے۔