ملتان (سپورٹس رپورٹر )گولڈن سٹار کر کٹ کلب کے زیراہتمام آل پنجاب سراج الدین دولہ میموریل کر کٹ ٹورنامنٹ کے میچ میں حاجی صدیق میموریل کلب نے وحدت ایگلٹس کلب کو 27رنز سے ہرادیا۔ حاجی صدیق میموریل کلب کی ٹیم پہلے کھیلتے ہوئے 19.3اوورز میں 161رنز بنا کر آئوٹ ہو گئی۔ احمد علی نے 39شہزاد احمد اورباقر ریاض نے32،32یاسین خلیل 19اور زین العابدین 15رنز بنا کر نمایاں رہے ،وحدت ایگلٹس کی جانب سے ممتاز خان نے 4ناصر عباس اور اسد مصطفی نے 3،3وکٹیں حاصل کیں۔،جواب میں وحدت ایگلٹس کی ٹیم 19.5اوور میں 134رنز بنا کر ڈھیر ہوگئی۔ ناصر عباس نے 32علی فرقان 31قیصر قریشی 29اور فراز قیصرانی 21بنا کر نمایاں رہے ،حاجی صدیق میموریل کلب کے بائولر یاسین خلیل اور زاہد شاہ نے 3،3اختر علی اور فیصل خان نے 2،2وکٹیں حاصل کیں۔