شارٹ سرکٹ سے بینک اورمکان میں آتشزدگی ہزاروں روپے کا سامان جل گیا

ملتان ،ٹاٹے پور ( کرائم رپورٹر،نامہ نگار) آتشز دگی کے دو واقعات میںہزاروںروپے کا سامان جل گیا،چوک شہیداں میں واقع نجی بنک کے دفتر میں شارٹ سرکٹ کے باعث آگ لگنے سے 25 ہزار کا نقصان ہوگیا تاہم رسکیو 1122 نے کارروائی کرتے ہوئے آگ پر قا بو پا لیا۔ نواحی علاقہ جھانگڑھ کے مزدور محمد اسلم بھیں کے گھر دوپہر تقریباً 1 بجے کمرے میں بجلی کے شارٹ سرکٹ سے اچانک آگ لگ گئی دیکھتے ہی دیکھتے آگ نے کمرے کو اپنی لپیٹ میں لے لیا کمرے میں پڑا قیمتی سامان فریج مشین و دیگر ضروریات زندگی کی تمام اشیاء جل کر راکھ ہو گئیں علاقہ کے لوگوں نے بڑی کوشش کی لیکن آگ پر قابو نہ پایا جا سکا ریسکیو 1122 نے آکر آگ پر قابو پایا۔