رنگ روڈ سکینڈل پرحکومت  کو  سانپ سونگھا گیا: عطا تارڑ 

لاہور(خصوصی رپورٹر)مسلم لیگ ن کے رہنما عطا تارڑ نے کہا ہے کہ چینی کی قیمت اس لئے زیادہ ہے کیونکہ عمران خان کی اے ٹی ایمز نے ڈاکہ ڈالا، رنگ روڈ سکینڈل پر حکومت کو سانپ سونگھا ہوا ہے، ہر ماہ پٹرول کی قیمت میں اضافہ کر دیا جاتا ہے۔پاکستان مسلم لیگ ن کے رہنما عطاء تارڑ نے میڈیا سے گفتگو کرتے ہوئے کہا کہ رنگ روڈ اسکینڈل میں پرچہ سرور خان اور زلفی بخاری کیخلاف کیوں نہیں ہوا،  حکومت نے کرپشن کے ساتھ دھاندلی کے بھی ریکارڈ قائم کئے۔عطا تارڑ کا کہنا تھا ک آپ سیاسی انتقام کیلئے کیس بنا رہے ہیں،شہزاد اکبر کی پرانی باتیں دہرا کر کیس کو پیچیدہ کرانے کی کوشش کی جا رہی ہے۔