کامن ویلتھ گیمز، ارشد ندیم بغیر کھیلے فائنل میں پہنچ گئے

لاہور(سپورٹس رپورٹر)کامن ویلتھ گیمز میں شریک اولمپئن ارشد ندیم بغیر کھیلے ہی فائنل میں پہنچ گئے۔گیمز منتظمین نے ارشد ندیم کو مطلع کیا کہ انہیں جیولین تھرو کے پانچ ا گست کو شیڈول کوالیفائنگ مرحلے میں شرکت کی ضرورت نہیں بلکہ وہ سات اگست کو براہ راست فائنل میں  ایکشن دکھائیں گے۔ارشد ندیم ان دنوں ویلیج میں ڈاکٹر اسد عباس کی نگرانی میں تربیت حاصل کررہے ہیں۔ ڈاکٹر اسد عباس نے ارشد کے براہ راست فائنل میں جگہ بنانے کی تصدیق کرتے ہوئے کہا کہ اس اپ ڈیٹ کے بعدانجری کو ٹھیک کرنے کیساتھ ٹریننگ کا بھی زیادہ وقت مل گیا ، امید ہے کہ ارشد بہترین پرفارمنس دینے میں سرخرو ہوں گے۔
واضح رہے کہ حال ہی میں امریکہ میں ہونے والی ورلڈ اتھلیٹکس چیمپین شپ میں ارشد نے پانچویں پوزیشن اپنے نام کی تھی۔