دعوت اسلامی کے زیرا ہتمام یونیوسٹیاں قائم کررہے ہیں:اظہر عطاری

واربرٹن (نامہ نگار)دعوت اسلامی واربرٹن کے زیر اہتمام ذکرِ صحابہ ؓ واہل بیت کے موضوع پر بیان کر تے دعوت اسلامی کے مرکزی رکن شوریٰ ابو البیان حاجی اظہر عطاری نے کہا کہ اللہ کریم نے رسول اکرم نبی رحمت ؐ کو تمام نبیوں سے افضل بنایا، رسول کریم ؐ نے فرمایا اللہ کی محبت کی وجہ سے مجھ سے محبت کرو اور میری محبت کی وجہ سے صحابہ کرام ؓ سے محبت کرو، وہ گزشتہ روز ایک نجی ہال میں تقریب سے خطاب کررہے تھے، انہوں نے کہا کہ ہم سائنس کی تر قی کے خلاف نہیں ہیں ہم خود دعوت اسلامی کے زیر ہتمام یونیوسٹیاں قائم کررہے ہیں اور دور جدید کے تقاضوں کے مطابق اپنا کام سر انجام دے رہے ہیں لیکن اس کا ہر گز یہ مطلب نہیں ہے کہ ہم اللہ اور اس کے رسولؐکی بتائی ہوئی تعلیمات پر عمل پیرا ہو نے سے گریز کریں، دنیا وی ترقی ایک الگ بات ہے، اگر صرف دنیا وی ترقی کے پیچھے دوڑو گے تو اللہ اور اس کے رسولؐ سے پیچھے ہٹ جائوگے، تقریب میں مبلغ دعوت اسلامی حاجی نصر اقبال عطاری کے علاوہ ننکانہ کے ضلعی نگران شکیل عطاری، علامہ مولانا اشفاق احمد رضوی، آصف محمود عطاری، عرفان مدنی، قاری غلام مصطفی ، و دیگر علماء و مشائخ اور سادات کرام نے بھر پور شرکت کی، پروگرام کے بعد مسجد فیضان اہل بیت کا سنگ بنیادحاجی محمد اظہر عطاری نے رکھا۔