کراچی(اسپورٹس رپورٹر)23سالہ پاکستانی فیدر ویٹ باکسر مہرین سری لنکا کی 31سالہ باکسر سے 5-0سے ھار کر کامن ویلتھ گیمز باکسنگ مقابلوں سے باہر ہوگئیں۔مہرین بلوچ کا کامن ویلتھ گیمز میں آج پہلا مقابلہ تھا،اسطرح سلیمان بلوچ اور نذیراللہ مرد باکسروں کے بعد پاکستان کی واحد وومن باکسر بھی ابتدائی مرحلے میں ہی مقابلوں سے باہر ہوگئی۔پاکستان باکسنگ ٹیم کو پہلا جھٹکا فلائی ویٹ کلاس میں زوھیب رشید کا انٹری لسٹ میں نہ ہونا تھا۔پاکستان باکسنگ ٹیم کی واحد امید کوئٹہ کے بلوچستان باکسنگ اکیڈمی ھزارہ ٹاون کے باکسنگ کوچ نجیب فیضی کے ھونہار شاگردجس نے چند ماہ قبل پاکستان آرمی جوائین کیا تھا الیاس حسین ہے جو ابتک مسلسل دو مقابلے جیت چکا ہے۔ کل یعنی 3 اگست کو الیاس حسین کا مقابلہ Jude Gallagher(NIR)کے ساتھ ہوگا۔الیاس حسین کے میڈل ٹیبل تک پہنچنے کا سارا دارومدار اس مقابلے کے رزلٹ پر ہے۔الیاس حسین کامیابی کے لئے پرامید ہے۔