گوجرانوالہ (نمائندہ خصوصی )چیف ایگزیکٹیو آفیسر کمپنی شاہد عباس جوتہ نے کہا ہے کہ گوجرانوالہ میں سموگ کی روک تھام کے لیے وسیع پیمانے پرانسداد سموگ سرگرمیاں کی جائیں گی، حکومت پنجاب کی ہدایت پر ''ہمارا عزم سموگ سے محفوظ پنجاب'' آگاہی مہم کا آغاز کردیا گیا ہے، چیمبر آف کامرس سے گوجرانوالہ ویسٹ مینجمنٹ کمپنی کے افسران و ملازمین نے ریلی نکالی، ریلی کا مقصد سموگ آلودگی کے محرکات اور اس سے ہونے والے انسانی صحت پر منفی اثرات کواجاگر کرنا تھا،سی ای او جی ڈبلیو ایم سی شاہد عباس جوتہ نے کہا ہے کہ کوڑا کرکٹ کو آگ لگانے اور سموگ کا باعث بننے والے عناصر کے خلاف میونسپل کارپوریشن سے مل کر کریک ڈاو¿ن کا آغازکیا جائےگا۔ پہلے مرحلے میں کوڑا کرکٹ کو آگ لگانے والے افرادکو وارننگ نوٹس جاری کیے جائیں گے جبکہ جرم دہرانے والے عناصر کے خلاف مقدمات درج کرائے جائیں گے۔