تیز رفتار گاڑی 3موٹر سائیکلوں کو ٹکر مارکرالٹ گئی‘ایک نوجوان ہلاک ‘5زخمی 

لاہور(نامہ نگار)مسلم ٹاو¿ن کے علاقے میں کینال روڈ پر تیز رفتار گاڑی نے بے قابو ہو کر 3موٹر سائیکلوں کو ٹکر ماری اور الٹ گئی۔حادثے میں ایک نوجوان جاں بحق جبکہ 5افراد زخمی ہو گئے ہیں۔ کینال روڈ پر ایف سی کالج کے قریب کار سوار نوجوان کرتب دکھاتے اور ڈرفٹنگ کرتے تیزی سے جارہے تھے کہ گاڑی بے قابو ہو کر 3 موٹرسائیکلوں اور فٹ پاتھ سے ٹکرا کر الٹ گئی جس کے نتیجے میں موٹرسائیکل سوار معیز نامی نوجوان موقع پر جاں بحق جبکہ تینوں کار سوار سمیت پانچ افراد زخمی ہوگئے ہیں۔مقامی امدادی ٹیمیں اورپولیس موقع پر پہنچ گئی۔ پانچوں زخمیوں کو ہسپتال منتقل کردیا جبکہ پولیس نے جاں بحق نوجوان کی نعش پوسٹ مارٹم کیلئے مردہ خانے منتقل کر دی اور گاڑی قبضے میں لےکر قانونی کارروائی شروع کردی ہے۔