لاہور(سپورٹس رپورٹر)پاکستان شاہینز نے ٹاپ اینڈ ٹی ٹونٹی سیریز میں میلبورن سٹارز کو 43 رنز سے شکست دیدی۔ٹورنامنٹ میں پاکستان شاہینز کی لگاتار تیسری کامیابی ہے۔پاکستان شاہینز نے ٹاس جیت کر پہلے بیٹنگ کا فیصلہ کیا اور 6 وکٹوں پر 169 رنز بنائے۔جواب میں میلبورن سٹارز کی ٹیم 17 اعشاریہ ایک اوورز میں 8 وکٹوں پر 126 رنز بناسکی۔اس کے دو بیٹرز انجرڈ ہونے کی وجہ سے بیٹنگ کرنے کی پوزیشن میں نہ تھے۔شامل حسین اور شاویز عرفان نے پانچ اوورز میں60 رنز کی شراکت قائم کی۔شاویزعرفان نے5 چوکوں اور4 چھکوں کی مدد سے65 رنز کی اننگز کھیلی۔ رائلے مارک اور ارجن نائر نے دو دو وکٹیں حاصل کیں۔میلبورن سٹارز کا سکور 3 وکٹوں پر71 رنز تھا۔ عالیان محمود‘ فیصل اکرم اور عرفات منہاس میلبورن سٹارز کی تین وکٹیں حاصل کرکے حریف ٹیم کا دباﺅ کا شکار کردیا۔ فیصل اکرم نے2 وکٹیں حاصل کیں۔پاکستان شاہینز آخری میچ کل پاپوا نیوگنی خلاف کھیلیں گے۔