کینال روڈ، کرتب دکھاتی کار کی 3 موٹرسائیکلوں کو ٹکر، 2 جاں بحق، 5 زخمی 

لاہور (نامہ نگار) مسلم ٹاو¿ن کے علاقے میں کینال روڈ پر تیز رفتار گاڑی نے بے قابو ہو کر 3موٹر سائیکلوں کو ٹکر ماری اور الٹ گئی۔ حادثے میں 2 افراد جاں بحق جبکہ 5 افراد زخمی ہو گئے ہیں۔ کینال روڈ پر ایف سی کالج کے قریب کار سوار نوجوان کرتب دکھاتے اور ڈرفٹنگ کرتے تیزی سے جا رہے تھے کہ گاڑی بے قابو ہو کر 3 موٹرسائیکلوں اور فٹ پاتھ سے ٹکرا کر الٹ گئی۔ جس کے نتیجے میں موٹرسائیکل سوار معیز نامی نوجوان موقع پر جاں بحق جبکہ تینوں کار سواروں سمیت پانچ افراد زخمی ہوگئے۔ امدادی ٹیموں نے پانچوں زخمیوں کو طبی امداد کے لیے ہسپتال منتقل کردیا جبکہ ہسپتال میں ایک اور زخمی شخص زخموں کی تاب نہ لاتے ہوئے دم توڑگیا ہے۔
 2 جاں بحق