لاہور (نوائے وقت رپورٹ) تنظیم حماس کے سیاسی رہنما اسماعیل ہانیہ کی بہو ایناس ہانیہ نے شہید دادا اور پوتی کی یادگار تصاویر شیئر کر دیں۔ فوٹوز اینڈ ویڈیوز شیئرنگ ایپ انسٹاگرام پر شیئر کی گئی تصاویر میں ایناس ہانیہ نے ایک پیغام بھی شیئر کیا ہے۔ تصویر میں اسماعیل ہانیہ اور ان کی پوتی کو خوشگوار موڈ میں دیکھا جا سکتا ہے۔ اس دوران شہید اسماعیل ہانیہ نے سفید شرٹ اور سیاہ پینٹ پہنی ہوئی ہے جبکہ دادا اور پوتی دونوں تصویر میں مسکراتے نظر آرہے ہیں۔ اسماعیل ہانیہ کی بہو نے تصویر کے کیپشن میں لکھا ہے کہ شہید امل اپنے دادا اسماعیل ہانیہ سے بات کر رہی ہیں۔ یہ دن ان دونوں کے درمیان ایک معاہدے کی طرح محسوس ہوتا ہے۔ ایناس ہانیہ نے مزید کہا کہ امل شہادت کے بعد اپنے دادا کے ساتھ جنت میں خوش ہوں گی۔ اللہ ہمارے دلوں کو صبر اور اطمینان دے۔ واضح رہے کہ 11 اپریل کو عید کے دن حماس کے سیاسی رہنما اسماعیل ہانیہ کے تین بیٹے اور چار پوتے پوتیاں اسرائیلی حملے میں شہید ہو گئے تھے۔