لاہور (نامہ نگار) ڈاکوؤں اور چوروں نے متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں،گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے سندرکے علاقے میں الیاس کے گھر میں گھس کر اہلخانہ کو یرغمال بنا کر6 لاکھ 10 ہزار روپے مالیت کی نقدی، طلائی زیورات، موبائل فون و دیگر سامان، سبزہ زار کے علاقے میں جنید اور اس کی فیملی سے3 لاکھ 48 ہزار روپے مالیت کی نقدی،زیورات اور موبائل فون، ہنجروال میں شمیم خان سے 4 لاکھ روپے اور موبائل فون،مناواں میں مناظر سے 3 لاکھ نقدی اور موبائل فون، اسلام پورہ میں جاوید سے 2لاکھ نقدی اور موبائل فون، شفیق آباد میں خالق سے ڈیڑھ لاکھ روپے نقدی اور موبائل فون، ٹاؤن شپ میں محسن سے ایک لاکھ روپے نقدی اور موبائل فون، قلعہ گجر سنگھ میں نعیم سے 40ہزار روپے اور موبائل فون، انارکلی میں مجتبی سے 38 ہزار روپے اور موبائل فون، ساندہ میں واجد سے 31 ہزار روپے اور موبائل فون، لاری اڈا میں شعیب سے 17ہزار روپے نقدی اور موبائل فون لوٹ لیا۔ چوروں نے ہربنس پورہ کے علاقے میں ماجد کے گھر کے تالے توڑ کر 4لاکھ80 ہزار روپے مالیت کی نقدی،طلائی زیوارات اور دیگر سامان چوری کرلیا۔ چوروں نے گلبرگ،ڈیفنس اور ماڈل ٹاؤن کے علاقوں میں سے3 گاڑیاں،کاہنہ کے علاقے میں سے رکشہ جبکہ لٹن روڈ، قلعہ گجر سنگھ، بادامی باغ، سندر، کوٹ لکھپت، مناواں،کاہنہ اور باغبانپورہ کے علاقوں سے 8 موٹر سائیکلیں چوری کر لیں۔