کامونکی+تتلے عالی(نمائندہ خصوصی +نامہ نگار)ڈکیتی کی مختلف وارداتوں میں انسپکٹروں سمیت متعدد افراد کو لوٹ لیا گیا۔بتایا گیا ہے کہ گذشتہ رات تتلے عالی کے نواحی گاؤں پھمہ سراء  کے سب انسپکٹرعبدالغفور اور زاہد موٹر سائیکل پر چونگ سنٹر سے واپس گھر آرہے تھے کہ ڈیرہ ورکاں کے قریب دو ڈاکو اْن سے مجموعی طور پر نو ہزارروپے اور دوموبائل فون چھین کر لے گئے۔سادھوکی کے عدنان سے دو ڈاکو سترہ ہزارروپے چھین کر فرار ہوگئے۔جی ٹی روڈ ٹول پلازہ کے قریب ڈاکو عثمان سے بیس ہزارروپے چھین کر لے گئے۔تتلے عالی کے علاقہ میں پولیس وردیوں میں ملبوس تین ڈاکو حمزہ اور اْسکی اہلیہ سے لاکھوں روپے کے زیورات اور موبائل فون چھین کر لے گئے ۔موڑ ایمن آباد کے قریب کار سوار تین ڈاکو ٹرک ڈرائیور شاہد نور اور خالد سے 78ہزارروپے اور ساٹھ لیٹر ڈیزل چھین کر لے گئے۔ موٹر سائیکل سوار دو ڈاکو پاک ٹاؤن کے رانا ہارون افضل سے تین لاکھ پچاس ہزارروپے چھین کر فرار ہوگئے۔پولیس مصروفِ تفتیش ہے۔