شیخوپورہ (نمائندہ خصوصی) مسلم لیگ ن کے صوبائی رہنما محکمہ صحت شیخوپورہ کے مانیٹرنگ آفیسر میاں امجد لطیف نے کہا ہے کہ ہسپتالوں میں عوام کو مفت طبی سہولیات کی فراہمی وزیراعلیٰ پنجاب مریم نواز شریف کا ویژن ہے ہسپتالوں میں ایئر کنڈیشنڈ کو مکمل فعال کیا جا رہا ہے جبکہ چلڈرن ہسپتال شیخوپورہ کی تزئین و آرائش اور توسیع کیلئے وزیراعلیٰ پنجاب سے خصوصی گزارش کی جائے گی شہباز شریف چلڈرن ہسپتال میں پرائیوٹ رومز کی تعمیر کا منصوبہ بھی زیر غور ہے ان خیالات کا اظہار انہوں نے شہباز شریف چلڈرن کمپلیکس شیخوپورہ کے دورہ کے موقع پر صحافیوں سے گفتگو کرتے ہوئے کیا اس موقع پر ملک عرفان اسلام ،اور دیگر بھی موجود تھے۔