اسرائیل دنیا کے امن کو تباہ کررہا  ہے :جاوید اسماعیل منڈا 

شرقپورشریف (نامہ نگار)اسماعیل ہانیہ کی شہادت پر فلسطین سے اظہار یکجہتی کیلئے تکمیل پاکستان مومنٹ کے چیئرمین سعد نذیر کے زیراہتمام سینکڑوں افراد نے شہدا مسجد مال روڈ پرغائبانہ نماز جنازہ میں شرکت کی۔اس موقع پرسیاسی وسماجی شخصیت چوہدری جاوید اسماعیل منڈا نے کہا کہ اسماعیل ہانیہ کی شہادت پرپورے عالم اسلام میں غم وغصہ پایا جارہا ہے اسرائیل دنیا کے امن کو تباہ کرنے کے لیے آگ سے کھیل رہا ہے امریکہ اور بھارت اسکا ساتھ دے رہے ہیں عالمی کفر یاد رکھے کہ فوری جنگ بندی کرکے امن بحال نہ کیا گیا تو فلسطین میں لگی آگ پوری دنیا کو اپنی لپیٹ میں لے لے گی۔