حمید اختر نے ہمیشہ قلم و قرطاس کی حرمت کیلئے کام کیا: صبا حمید

لاہور (پ ر) اداکارہ صبا حمید نے کہا کہ میرے والد حمید اختر مرحوم کی ادبی‘ سیاسی‘ صحافتی اور فنی خدمات کو خراج تحسین پیش کرنے کیلئے علامہ عبدالستار عاصم نے کتاب ”حمید اختر“ شائع کر کے مرحوم کی اولاد کو فخر‘ حوصلہ اور اطمینان فراہم کیا۔ ان خیالات کا اظہار انہوں نے گذشتہ روز اپنی بہنوں ہما حمید اور بشریٰ حمید کے ہمراہ مقامی ہوٹل میں مصنف سے کتاب وصول کرتے ہوئے کیا۔ انہوں نے کہا کہ حمید اختر مرحوم نے تاحیات قرطاس و قلم کی حرمت کیلئے کام کیا اور اپنے نظریات کی پاسداری کو ہی مقدم رکھا۔