مار دھاڑ والے سکرپٹس سے پیچھا چھڑا کر نئے موضوعات تلاش کرنا ہونگے: ریشم

لاہور (این این آئی) لالی ووڈ سٹار ریشم نے کہا ہے کہ موجودہ حالات میں نئے آنیوالوں کو بھی پروموٹ کرنے کی ضرورت ہے‘ اپنے کیرئیر کے آغاز پر یہ تہیہ کر لیا تھا کہ صرف معیاری کام کرونگا اور اس کے لئے چاہے مجھے کتنا انتظار ہی کیوں نہ کرنا پڑے۔ گفتگوکرتے ہوئے ریشم نے کہا کہ فلم انڈسٹری کی ترقی کے لئے ہر شعبے میں نئے لوگوں کی ضرورت ہے لیکن اسکے ساتھ ساتھ سینئرز لوگوں کے تجربے سے بھی استفادہ کرنا ہو گا۔ انہوں نے کہا کہ اب ہمیں روایتی اور مار دھاڑ والے سکرپٹس سے اپنا پیچھا چھڑا کر نئے موضوعات کو تلاش کرنا ہو گا۔ انہوں نے ایک سوال کے جواب میں کہا کہ فنکار کبھی بیکار نہیں بیٹھتا بلکہ کسی نہ کسی مد میں مصروف رہتا ہے ۔میں نے اپنے کیرئیر کے آغاز پر یہ تہیہ کر لیا تھا کہ صرف معیاری کام کروں گی اور اس کےلئے چاہے مجھے کتنا ہی انتظار کیوں نہ کرنا پڑے، میں ہمیشہ معیاری کام کو ترجیح دیتی ہوں۔