منٹو کی کہانیوں پر مبنی ڈرامہ ”دفعہ 292“ آج الحمرا میں پیش کیا جائیگا

لاہور (این این آئی) آزاد تھیٹر کا ڈرامہ ”دفعہ 292“ آج الحمرا ہال 2 میں پیش کیا جائیگا۔ یہ ڈرامہ برصغیر کے معروف رائٹر سعادت حسن منٹو کی ان کہانیوں پر مشتمل ہے جن پر فحاشی کے الزامات لگے اور منٹو پر مقدمات درج کئے گئے۔ منٹو کی ان کہانیوں کو ڈرامائی تشکیل ملک اسلم نے دی ہے وہی اس ڈرامہ کے ڈائریکٹر بھی ہیں۔ ڈرامہ کی کاسٹ میں عثمان ضیا، عالیہ عباسی، سرفراز، خولہ قریشی، ندیم عباس، وسیم حیدر، آصف حسین، وسیم لوکا، یعقوب اور عمران خان شامل ہیں۔ یہ ڈرامہ فری پاسز پر 5 دسمبر تک جاری رہےگا۔