بھارت کا 4ہزار کلومیٹر تک مار کرنے والے ایٹمی صلاحیت کے حامل بیلسٹک میزائل اگنی 4کا تجربہ

نئی دہلی/بالاسور (آئی این پی) بھارتی جنگی جنون کم نہ ہو سکا۔ بھارت نے 4ہزار کلومیٹر تک مار کرنے والے ایٹمی صلاحیت کے حامل بیلسٹک میزائل اگنی 4کا تجربہ کر لیا۔ صدر پرناب مکھر جی اور وزیر اعظم نریندر مودی نے کامیاب تجربے پر قوم کو مبارکباد دی ہے۔ منگل کو بھارتی میڈیا کے مطابق دفاعی حکام کا کہنا ہے کہ میزائل 4ہزار کلومیٹر تک اپنے ہدف کو نشانہ بنانے اور ایٹمی وار ہیڈ لے جانے کی صلاحیت رکھتا ہے۔ اگنی 4بیلسٹک میزائل کو اڑیسہ کے ساحلی علاقے میں فائر کیا گیا۔ اگنی میزائل کی چوتھی مرتبہ آزمائش کی گئی ہے۔