لورالائی (آئی این پی) لورالائی کے علاقے دْکی میں کوئلے کی کان میں زہریلی گیس بھر جانے کے باعث 3 مزدور جاں بحق جبکہ کئی بے ہوش ہو گئے۔لورالائی کے علاقے دکی میں کام کے دوران کوئلے کی کان میں گیس بھر گئی جس سے کان میں موجود 3 کانکن جاںبحق ہو گئے جبکہ دو مزدور گیس کے باعث بے ہوش ہو گئے۔ بے ہوش کانکنوں کو فوری طور پر طبی امداد کے لیے قریبی ہسپتال منتقل کر دیا گیا، جاںبحق اور بے ہوش ہونے والے تمام مزدوروں کا تعلق دکی سے تھا، جاں بحق مزدوروں کی شناخت ولی خان، نذر شاہ اور اشرف کے نام سے کر لی گئی ۔ دونوں بے ہوش کانکنوں کی ہسپتال میں حالت بھی تشویشناک ہے۔