اسلام آباد (سپورٹس رپورٹر) پروفیشنل سکواش ایسو سی ایشن نے رینکنگ جاری کر دی‘ کوئی پاکستانی پلیئر ٹاپ 50میں جگہ نہ بنا سکا‘ فرانس کے گریگوری گالٹائر پہلی پوزیشن پر ہیں۔ پاکستان کے نمبر ایک سکواش پلیئر فرحان محبوب عالمی رینکنگ میں 16درجہ تنزلی کیساتھ 50ویں سے 66ویں نمبر پر آ گئے ہیں جبکہ فرحان زمان 18درجے تنزلی کیساتھ 58سے 76ویں نمبر پرپہنچے ہیں‘ احسن ایاز 105سے 108ویں، اسرار احمد 123ویں سے 138ویں نمبر پر جبکہ شاہ جہان خان 157 ویں نمبر سے 160ویں پوزیشن پرچلے گئے ہیں۔