ماسکو(سپورٹس ڈیسک ) فیفا ورلڈ کپ میں شریک ٹیموں کے کوچز نے ڈراز کو خوش آئندقرار دیا ہے ۔ سپین کے کوچ جولین لیپٹیگ نے کہا ہے کہ ہم یورپ کے چیمپئن ہیں‘کھلاڑی بھی بہت اچھے ہیں اور مورال بھی بلند ہے ۔ میگا ایونٹ میں بہترین کارکردگی کا مظاہرہ کرینگے ۔انگلینڈ کے کوچ گیرتھ سائوتھ گیٹ نے کہا کہ ہماری ٹیم نے بھر پور تیاری کی ہے اور ایونٹ میں کسی بھی ٹیم کو شکست دینے کیلئے تیار ہونگے ۔ ہر میچ کی تیاری کر رکھی ہے۔فرانسیسی کوچ ڈیڈیئر ڈی چیمپس نے کہا ہے اپنے گروپ میں کامیابی کیلئے پر اعتماد ہیں ۔ ہماری ٹیم ناک آئوٹ مرحلے کیلئے کوالیفائی کرے گی اور اپنے گروپ میں پہلی پوزیشن پر ہوگی ۔ جاپان کے سابق کوچ واحد ہالی ہوڈ زک نے کہا کہ اس بار کولمبیا کو شکست دے کر پہلے والی شکست کا بدلہ چکا دینگے ۔ روسی کوچ سٹانس سلیوچرچزاوف نے کہا کہ ہم سپین کو اپنے پول میں نہیں دیکھنا چاہتے تھے ۔ اچھا پرفارم کرنے کیلئے پر امید ہیں۔