سی پیک میں شمولیت سے پاکستان ریلویز پوری دنیا کو حیران کر دیگا: شیخ رشید

اسلام آباد (خبر نگار) وفاقی وزیر ریلویز شیخ رشید احمد نے لاہور ریلوے سٹیشن کا مختصر دورہ کیا۔ وزارت سے جاری بیان کے مطابق انہوں نے سٹیشن پر جاری تعمیراتی اور تزئین وآرائش کے کاموں کا جائزہ لیتے ہوئے ضروری ہدایات بھی دیں۔ وفاقی وزیر ریلویز نے سٹیشن پر میڈیا نمائندوں سے بات کرتے ہوئے کہاسی پیک میں شمولیت سے پاکستان ریلویز پوری دنیا کو حیران کر دیگاسٹیشن پر لاسٹ اینڈ فاوئنڈ اور میڈیکل کاوئنٹرز بہت جلد بنائے جائیں گے۔ سٹیشن پر یہ کاوئنٹرز بہت بڑی سہولت ہونگے۔ لاسٹ اینڈ فائونڈ کاوئنٹر سے مسافروں کی گمی ہوئیں چیزیں مل سکیں گیں اور میڈیکل کاوئنٹر سٹیشن پر مسافروں کیلئے میڈیکل امداد کی غیر معمولی سہولت ہوگی۔