کراچی (کرائم رپورٹر) بہادر آباد پولیس نے ایم کیو ایم لندن کے کارکن کو گرفتار اور اس کی نشاندہی پر مدفون اسلحہ برآمد کرلیا۔ پولیس کے مطابق ملزم نسیم عرف بلڈر کی گرفتاری ٹیپو سلطان روڈ سے عمل میں آئی جبکہ چھپایا گیا اسلحہ ہل پارک سے برآمد کیا گیا جس میں روسی ساختہ اسنائپر رائفل‘سائلینسر لگی کلاشنکوف اور چار پستول شامل ہیں۔ پولیس کا کہنا ہے کہ ملزم نسیم احمد بلڈر نے دوران تفتیش 11 جون1998ء کو اورنگی ٹائون کے علاقے میں ایک ڈاکٹر مظاہر قریشی کو فائرنگ کرکے ہلاک کرنے کا بھی اعتراف کیا ہے جبکہ اس سلسلے میں مزید تفتیش جاری ہے۔