لاہور(سپورٹس رپورٹر) پہلی چیئرمین واپڈا امیچورز گالف چیمپیئن شپ 2018ء کا ٹائٹل احمد بیگ نے جیت لیا۔ رایا ڈیفنس گالف گورس میں منعقد ہونے والی تین روزہ چیمپیئن شپ میں احمد بیگ نے شاندار کھیل کا مظاہرہ کرتے ہوئے مجموعی طور پر 215 گراس سکور کے ساتھ پہلی پوزیشن اپنے نام کی۔ غضنفر محمود دوسرے جبکہ زنیر علیم خان تیسرے نمبر پر رہے۔ خواتین کے مقابلوں میں برکھا اعجاز نے 151 سکور کے ساتھ پہلی پوزیشن اپنے نام کی۔ حمنا امجد دوسرے اور غزالہ یاسمین تیسرے نمبر پر رہیں۔ چیمپیئن شپ کی ویٹرنز کیٹگری میں کرنل ناصر پہلے میجر یو ڈی نجمی دوسرے اور کرنل مدثر تیسرے نمبر پر رہے۔ سنیئرز کی کیٹگری میں طارق محمود پہلے کرنل رستم علی دوسرے اور کرنل آصف مہدی تیسرے نمبر پر رہے۔ چیمپیئن شپ کی اختتامی تقریب کے مہمان خصوصی وفاقی وزیر برائے آبی وسائل فیصل واڈا تھے جبکہ چیئرمین واپڈا لیفٹیننٹ جنرل (ر) مزمل حسین اور آسٹریلین ڈپٹی ہائی کمشنر بریک بیٹلے بھی اس موقع پر موجوتھے۔ جنہوں نے کھلاڑیوں میں انعامات تقسیم کیے۔