صدرآزاد کشمیر سردار مسعود تین روزہ دورے پربرطانیہ چلے گئے

اسلام آباد (نیوزرپورٹر) آزاد جموں وکشمیر کے صدر سردار مسعود خان برطانیہ کے تین روزہ دورے پر روانہ ہو گئے ہیں۔ وہ دورہ برطانیہ کے دوران برطانیہ کی کئی جامعات اور کالجز میں مسئلہ کشمیر کے حوالے سے اہم تقریبات سے خطاب کے علاوہ کشمیری اور پاکستانی کمیونٹی کے اجتماعات سے خطاب کریں گے اور برطانیہ کے ذرائع ابلاغ کو انٹرویوز بھی دیں گے۔ اپنے دورے کے پہلے روز صدر آزادکشمیر لندن کے کنگ کالج میں انڈیا پاکستان سول اوپر فورم کے زیر اہتمام لندن کے کنگ کالج میں تنازعہ کشمیر کے موضوع پر لیکچر دیں گے جبکہ لندن میں بدھ کے روزوہ ایک بڑی کمیونٹی کے اجتماع سے خطاب کریں گے ۔