”دوبول“ڈرامے کی کامیابی کے بعد عفان اور حرامانی نے نیا ڈرامہ ”غلطی“ سائن کر لیا

پاکستان کے نامور اداکار عفان وحید اور اداکارہ حرا مانی نے اکٹھے”دو بول“ نامی ڈرامے میں کام کیا تھا، اس ڈرامے کی کہانی اور اداکاروں کی اداکاری کو مداحوں نے بےحد پسند کیا، جس کے بعد یہ ٹیلی ویژن کا کامیاب ڈراما ثابت ہوا۔ان دونوں کی جوڑی کو اسکرین پر اس حد تک پسند کیا گیا کہ ”دو بول“ کے بعد ان دونوں نے اپنا نیا ڈرامہ” غلطی“ بھی سائن کرلیا، جس کے ٹیزرز سوشل میڈیا پر سامنے آرہے ہیں۔حرا مانی اور عفان وحید دوبارہ”غلطی“ نامی اس ڈرامے میں رومانوی کرداروں میں جلوہ گر ہونے جارہے ہیں۔ڈرامے کے پہلے ٹیزر میں عفان وحید حرا سے سوال کرتے ہیں کہ کیا وہ ان پر بھروسہ کرتی ہیں جس پر حرا مانی نے جواب میں کہا کہ وہ سب سے زیادہ بھروسہ ان پر کرتی ہیں جبکہ ہمیشہ ان سے محبت بھی کرتی رہیں گی۔ٹیزر میں ان دونوں کے کامیاب ڈرامے دو بول کے میوزک کا بھی استعمال کیا گیا۔ڈرامے کی ریلیز کی تاریخ کا تو تاحال اعلان نہیں ہوا البتہ یہ جلد پیش کیا جائے گا۔اس ڈرامے کی ہدایات صبا حمید دے رہی ہیں جبکہ کہانی اسماء سیانی نے تحریر کی۔