واشنگٹن(نیٹ نیوز) امریکہ کے نو منتخب صدر جو بائیڈن اپنی اقتصادی ٹیم کے چند نام سوموار کوسامنے لائے ہیں جن میں وزارتِ خزانہ کے جینٹ یلین کے نام کے علاوہ ایک نام انڈین نژاد امریکی خاتون نیرا ٹنڈن کا بھی تھا۔ نیرا ٹنڈن امریکی ریاست میسیچوسیٹس کے شہر بیڈفورڈ میں پیدا ہوئیں۔ ان کے والدین انڈیا سے آئے تھے۔نیرا ٹنڈن کے نام کے سامنے آنے کے فوراً بعد ہی ان کیخلاف ایک مہم بھی شروع ہوئی ہے۔ رپبلیکن سینیٹر ٹام کوٹن نے ٹنڈن کو ایک ’متعصب خاتون‘ کہا ہے۔رپبلیکن سینیٹر جان کوربن کے کمیونیکیشن ڈائریکٹر ڈریو برینڈوائی نے خبردار کیا ہے کہ ٹنڈن کی او ایم جی کے سربراہ کی حیثیت سے سینیٹ میں توثیق کے امکانات صفر ہیں کیونکہ وہ ماضی میں رپبلیکن سینیٹرز کو بْرا بھلا کہتی رہی ہیں۔