کراچی(یواین پی)گلوکار عاصم اظہر کے حالیہ کنسرٹ میں شرکت کے بعد سے خبروں کی زینت بننے والی پاکستان شوبز انڈسٹری کی اداکارہ و ماڈل ہانیہ عامر نے گلوکار کے تبصرے کے بعد سوشل میڈیا پر پہلی پوسٹ شیئر کردی۔سماجی رابطے کی ویب سائٹ انسٹاگرام پر ہانیہ عامر نے اپنی نئی تصاویر شیئر کیں جن میں وہ حسین لگنے کیساتھ ہی بیحد خوش بھی نظر آرہی ہیں۔ہانیہ عامر نے اپنی پوسٹ کو ایک معنی خیز کیپشن دیتے ہوئے لکھا کہ ’آگے بڑھنے اور درگزر کرنے میں ہی ترقی اور پختگی ہے، اپنی ذہنی صحت کو ترجیح دیں، جو چیز آپ کو خوش کرتی ہے اس کیلئے آواز اٹھائیں۔‘اداکارہ نے کہا کہ ’نفرت کو دل میں رکھنا ہی آپ کو کمزور کرتا ہے، جانے دو اور جیو، اپنے ماضی کے اداس لمحوں سے جُڑے رہنے کے لیے زندگی بہت مختصر ہے ۔