اداکارہ ماورہ حسین نے اپنے شوبز کیریئر پر مبنی ایک ویڈیو سوشل میڈیا پر شیئر کردی ہے۔ ماورہ حسین کے شوبز انڈسٹری میں 10 سال مکمل ہونے پر ان کے ایک مداح نے اداکارہ کے شوبز کیرئیر پر ایک خصوصی ویڈیو بنائی ہے۔ اداکارہ نے یہ خصوصی ویڈیو کو انسٹاگرام پر شیئر کرتے ہوئے کیپشن میں لکھا کہ آ ستارے سفر کے دیکھتے ہیں۔ اس ویڈیو میں ماورہ حسین کے 10 سال کے سفر کے دوران ریلیز ہونے والے تمام ڈراموں کی جھلکیاں دکھائی گئی ہیں۔جبکہ اس ویڈیو کے بیک گراونڈ میں مشہور شاعر احمد فراز کی غزلسناہے لوگ اسے آنکھ بھر کے دیکھتے ہیں کو انتہائی خوبصورت آواز میں شامل کیا گیاہے۔ماورہ حسین نے یہ ویڈیو شیئر کرتے ہوئے اپنے مداح کا نام ظاہر کیے بغیر ان کا شکریہ بھی ادا کیا ہے۔