اوٹاوا(این این آئی)کینیڈا میں مال بردار ٹرین کی 20بوگیاں پٹری سے اترگئیں جس کے نتیجے میں خوفناک دھماکے کے بعد آگ لگ گئی۔کینیڈا کے صوبے سیسکچیوان میں ایک گائوں کے قریب حادثے کے بعد ٹرین میں خوفناک آگ لگ گئی، واقعہ میں کوئی جانی نقصان نہیں ہوا۔مال بردار ٹرین میں آگ لگنے سے علاقے میں 2کلومیٹر حد نگاہ متاثر ہوگئی جبکہ قریبی ہائی وے کو بھی ٹریفک کیلئے عارضی بند کردیا گیا۔حکام نے ڈرائیورز کو علاقے میں سفر سے گریز کرنے کی ہدایت کی جبکہ قریبی کچھ گھروں کو بھی خالی کرایا گیا ۔کینیڈین پیسیفک ریلوے نے معاملے کی تحقیقات شروع کردیں۔