انٹر کالجیٹ فٹبال ٹورنامنٹ‘ اسپائر کالج نے فائنل میں جگہ بنا لی

لاہور (سپورٹس رپورٹر) آل پنجاب انٹر کالجز سیون سائیڈ فٹ بال ٹورنامنٹ میں اسپائر کالج گوجرانوالہ نے اپیکس کالج سیالکوٹ کو 2 کے مقابلے میں 4 گول سے شکست دیکر فائنل کےلئے کوالیفائی کر لیا ہے۔ اسپائر کالج گوجرانوالہ کے کپتان علی افضل نے 3 گول سکور کئے اور اپنی ٹیم کو فتح دلائی۔ علی افضل نے کہا کہ رونالڈو انکا فیورٹ پلیئر ہے ۔ پاکستان کو فٹ بال میں بہت محنت کی ضروری ہے۔ حکومت ساری توجہ کرکٹ پر دے رہی ہے جبکہ دنیا کا مقبول ترین کھیل فٹ بال ہے۔ حکومت کو فٹ بال پر 
خصوصی توجہ دینی چاہئے۔ علی افضل مسلم سپورٹس فٹ بال کلب شیخوپورہ کی طرف سے کھیلتے رہے ہیں اور آج کل فیم فٹ بال کلب ماڈل ٹا¶ن لاہور کی نمائندگی کر رہے ہیں۔ انہوں نے سیمی فائنل میں جیت اپنے کوچز تجمل‘ نعیم اور ندیم کے نام کرتے ہوئے کہا کہ وہ اپنے اساتذہ کا بے حد مشکور ہیں۔