جوروٹ کے والد بھی بارمی آرمی کیساتھ پنڈی ٹیسٹ دیکھنے سٹیڈیم پہنچ گئے 

لاہور(سپورٹس رپورٹر)پاکستان میں 17 سال بعد کھیلنے والی انگلینڈ ٹیم کو سپورٹ کرنے کیلئے انگلش شائقین کےساتھ ساتھ اہلِ خانہ بھی راولپنڈی میں موجود ہیں۔انگلینڈ کے مایہ ناز کھلاڑی جوئے روٹ کے والد میٹ روٹ بھی تاریخی راولپنڈی ٹیسٹ کو دیکھنے کیلئے میدان میں نظر آئے۔جو روٹ کے والد میٹ روٹ میزبان ٹیم کے خلاف تاریخی سیریز جیتنے پر اپنے بیٹے اور انگلینڈ کی ٹیم کو خوش کرنے کیلئے انگلینڈ بارمی آرمی کے ساتھ پنڈی سٹیڈیم پہنچ گئے ہیں۔
بارمی آرمی ایک کمپنی ہے جو اپنے کچھ ممبران کو برطانیہ اور بیرون ملک انگلش کرکٹ ٹیم کی سپورٹ کے لیے ٹکٹ فراہم کرتی ہے اور ٹورنگ پارٹیوں کا انتظام کرتی ہے۔