کھیتوں میں مویشی داخل‘ کھوسو  اور زنگیجا برادریوں میں تصادم 

پنگریو( نامہ نگار) پنگریوکے قریب زنگیجاموری اسٹاپ پرکھوسواورزنگیجابرادریوں میں تصادم ہوگیا۔ تصادم کے دوران کلہاڑیاں اورلاٹھیاں لگنے کے باعث دونوں گروپوں کے آٹھ افرادعلی گل کھوسو۔ محمدبخش چانڈیو‘اللہ بچایو‘خداڈنوچانڈیو‘ایوب چانڈیو‘حسن علی کھوسو‘گل نوازکھوسواورعلیم خان کھوسو زخمی ہوگئے۔ تصادم کے زخمیوں کو صحت مرکزپنگریومنتقل کیاگیا‘ تاہم ڈاکٹرنہ ہونے کے باعث زخمیوں کاعلاج نہ ہوسکا اور پیرا میڈیکل عملے نے مرہم پٹی کرکے زخمیوں کوتحصیل ہیڈکواٹراسپتال ٹنڈو باگو ریفرکردیا۔ 
فریقین کے درمیان تصادم فصل میں مویشی داخل ہونے پر ہواپنگریوپولیس نے واقع کی رپورٹ درج کرلی ہے تاہم کوئی گرفتاری عمل میں نہ آسکی پنگریوپولیس کے مطابق واقع کی رپورٹ درج کرکے زخمیوں کوعلاج معالجے کے لیے لیٹرجاری کیاہے سرٹیفیکیٹ آنے کے بعد مقدمہ درج کیاجائے گا۔