وزیر اعظم شہباز شریف نے پاکستان مسلم لیگ (ن) کی سینئر پارلیمنٹرین بیگم نجمہ حمید کے انتقال پر گہرے دکھ اور افسوس کا اظہار کیا ہے

وزیر اعظم شہباز شریف نے پاکستان مسلم لیگ (ن) کی خواتین ونگ کی سابق صدر اور سینئر پارلیمنٹرین بیگم نجمہ حمید کے انتقال پر گہرے دکھ اور افسوس کا اظہار کیا ہے۔اپنے تعزیتی پیغام میں انہوں نے کہا کہ بیگم نجمہ حمید کی آئین، جمہوریت، ملک اور پارٹی کی بالادستی کے لیے خدمات ناقابل فراموش ہیں۔شہباز شریف نے انہیں پارٹی کا اثاثہ قرار دیتے ہوئے کہا کہ بیگم نجمہ حمید مسلم لیگ (ن) کے قائد نواز شریف اور مرحومہ بیگم کلثوم نواز کی قریبی اور قابل اعتماد دوست تھیں۔ انہوں نے کہا کہ بیگم نجمہ حمید ایک نظریاتی، اصول پسند، بہادر اور مہربان خاتون تھیں۔سوگوار خاندان کے ساتھ ہمدردی کا اظہار کرتے ہوئے، وزیر اعظم نے مرحوم کی روح کے لیے دعا کی۔